भुमिकास्थानमा खुल्ला भलिवल प्रतियोगिता सम्पन्न, देउराली प्रथम

भुमिकास्थान, अर्घाखाँची । मकैडाँडा युवा क्लव भुमिकास्थान नगरपालिका वडा नं.–४ले आयोजना गरेको जिल्ला स्तरीय खुल्ला भलिवल प्रतियोगिता आज सम्पन्न भएको छ ।

भलिवल खेलको उद्घाटन गर्दै भुमिकास्थान नगरपालिका वडा नं.–४ का वडा अध्यक्ष वावुराम सुनारले खेल क्षेत्रको विकासको लागि मकैडाँडा युवा क्लवले खेलेको भुमिका प्रसंसनीय भएको उल्लेख गर्दै राष्ट्रको लागि र स्वास्थ्यका लागि खेल अपरिहार्य भएकोले खेल जगतको विकास र विस्तारको लागि आफुले कुनै कसुर वाँकी नराख्ने प्रतिवद्धता व्यक्त गर्नुभएको थियो ।

जिल्ला भित्रका ८ समुहको सहभागिता भएको प्रतियोगिताको पहिलो खेलवाट ठुलाखर्क भलिवल समुहलाई पराजीत गर्दै देउराली यातायात व्यवसायी भलिवल समुह, औअल भलिवल समुहलाई पराजित गर्दै आयोजक मकैडाँडा भलिवल समुह (ए), फामखिल्जी भलिवल समुहलाई पराजित गर्दै बामरुक भलिवल समुह र आयोजक मकैडाँडा भलिवल समुह (बि) लाई पराजित गर्दै डिर्भना भलिवल समुह सेमीफाईनलमा प्रबेस गरेका थिए ।

प्रतियोगिताको सेमिफाईनलबाट बामरुक भलिवल समुहलाई पराजित गर्दै देउराली यातायात व्यवसायी भलिवल समुह र आयोजक मकैडाँडा भलिवल समुह (ए) लाई पराजित गर्दै डिर्भना भलिवल समुह फाईनलमा प्रबेस गरेका थिए ।

प्रतियोगिताको फाईनलमा डिर्भना भलिवल समुहलाई पराजित गर्दै देउराली यातायात व्यवसायी भलिवल समुहले प्रथम स्थान हासिल गरेको छ भने डिर्भना भलिवल समुहले द्वितीय स्थान हासील गरेको छ । तितृय स्थानको लागि भने पुरस्कारको व्यवस्था नभएकोले आयोजकले प्रतिसपर्धा नगराएको जनाकारी दिएको छ ।

प्रतियोगितामा प्रथम हुने समुले रु. १५ हजार बरावरको खसी प्रमाण पत्र र द्वितीय हुने समुहले नगद रु. ५ हजार र प्रमाण पत्र हात परेका छन् ।