अर्घाखाँचीडट्कम संवाददाता
सन्धिखर्क, अर्घाखाँची । अर्घाखाँची जिल्लाको सन्धिखर्क नगरपालिकाको सहयोग र जिल्ला खेलकुद विकास समितिको आयोजनामा चौथो सन्धिखर्क नगरपालिका स्तरीय रनिङ्गशिल्ड प्रतियोगिता सम्पन्न भएको छ ।
गत चैत्र २३ गते शुक्रवार शुरु भई आज सम्पन्न चौथो सन्धिखर्क नगरपालिका अन्तर मावि रनिङ्गशिल्ड प्रतियोगिता १५८ अंक सहित प्रथम अर्घाखाँची आवासिय मावी, १२८ अंक सहित द्वितीय गौरीशंकर इङ्गलिस वोर्डिङ्ग स्कूल र समान १२७ अंक सहित तृतीयमा जनज्योती मावि र युवावर्ष जनतारविचित्र मावि भएका छन् ।
विजेताहरुलाई सन्धिखर्कको टुडिखेलमा भएको खेलको सन्धिखर्क नगरपालिकाका प्रमुख कमलप्रसाद भुसालले पुरस्कार वितरण गरेका थिए । समापन समारोहमा सहायक प्रमुख जिल्ला अधिकारी शंकर भुसाल, जिल्ला शिक्षा अधिकारी लिलबहादुर राउत क्षेत्री, जिल्ला खेलकुद विकास समितिका अध्यक्ष सिद्धिप्रसाद भुसाल, सन्धिखर्क १ का वडा अध्यक्ष युवराज वञ्जाडे, गौरीशंकर वोर्डिङ्गका शिक्षक शिव बेल्वासे लगायतको उपस्थिती रहेको थियो ।
खेलमा सामुदायिक र संथागत गरि १८ विद्यालयले भाग लिएका थिए । खेलमा १८ वर्ष भित्रका खेलाडीहरुलाई मात्र सहभागी गराइएको थियो ।
प्रतियोगितामा भलिवल, दौड, रिले दौड, हाईजम्प, लङजम्प, त्रिपलजम्प, सटपुट, ज्यावलिङ थ्रो, कपद्री खेल खेलाईएको थियो ।
चैत्र २७ गते, २०७४ मा प्रकाशित
