अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नं. ११ डिभर्नाकी एक युवती बेपत्ता भएकी छिन् ।
डिभर्नाको गहतेकी १९ वर्षिया सीता भुसाल दुई दिन अगाडि यही चैत्र २८ गते गते बुधवार देखि बेपत्ता भएकी हुन् । सीता बुधवार बिहान १० बजे देखि बेपत्ता भएको स्थानियबासीले बताए ।
स्थानिय श्री बिजय माबि डिभर्नामा कक्षा ९ मा अध्ययन गर्दै गरेकी सीता दुई दिनसम्म पनि फेला नपरेको भन्दै परिवारले जिल्ला प्रहरी कार्यालय अर्घाखाँचीमा उजुरी दिएका छन् । उनका परिवार सदस्यले आफन्त, साथीभाई गाउँ जताततै खोजी गर्दा पनि भेटाउन नसकेको बताए ।
साथै युवती हराएको बिषयमा अनुसन्धान भईरहेको जिल्ला प्रहरी कार्यालय अर्घाखाँचीले बताएको छ ।
चैत्र ३० गते, २०७४ मा प्रकाशित
