विनाेद गैरे
नुवाकोट, अर्घाखाँची (अर्घाखाँचीडट्कम) । नुवाकोट दिपज्योती यूवा परिषद भुमिकास्थान नगरपालिका-नुवाकोटको आयोजना तथा भूमिकास्थान नगरपालिकाको कार्यालय नुवाकोट, अर्घाखाँचीको समन्वयमा आज देखि भूमिकास्थान नगरपालिकाको वडा नं. ८, नुवाकोट लम्चीमा अन्तर वार्ड स्तरिय क्रिकेट प्रतियोगिता शुरु भएको छ ।
दिप प्रजोनन् तथा व्यानर अनावरण गरी प्रतियोगिताको उद्घाटन गर्दै भूमिकास्थान नगरपालिकाका प्रमुख रेशम थापाले खेलकुल राष्ट्रका लागि पनि महत्वपूर्ण छ साथसाथै स्वाथ्यका लागि पनि झनै महत्वपूर्ण भएकोले खेलजगतको बृद्धि र विकासको लागि आफुले कुनै कसुर वाँकी नराख्ने प्रतिवद्धता जायर गर्दै खेलको पूर्ण सफलताको शुभकामना व्यक्त गर्नुभएको थियो ।
कार्यक्रममा भूमिकास्थान नगरपालिका वडा नं. ४का वडा अध्यक्ष वावुराम पन्थि सुनार, ६का वडा अध्यक्ष झविलाल बेल्वासे, ७का वडा अध्यक्ष तारा बहादुर मल्ल, ८का वडा अध्यक्ष राज कुमार श्रेष्ठ, ९का वडा अध्यक्ष नारायण प्रसाद खनाल, १०का वडा अध्यक्ष खगेश्वर पन्थी, भूमिकास्थान नगरपालिका स्वास्थ्य शाखा प्रमुख देभ बहादुर थापा, ने.क.पा एमाले जिल्ला कमिटि अर्घाखाँचीका उप सचिव प्रेम नारायण गैरे, नेपाल पत्रकार महासंघ अर्घाखाँचीका कोषाध्यक्ष विनोद गैरे, स्थानीय समाजसेवी दल बहादुर केसी लगायतले खेल पूर्ण सफलताको शुभकामना व्यक्त गर्नु भएकोे ।
उद्घाटन सत्रको कार्यक्रम परिषदका अध्यक्ष राजकुमार श्रेष्ठको अध्यक्षता, सदस्य पदम श्रेष्ठको स्थागत तथा सह-सचिव राम चन्द्र श्रेष्ठ संचालन सम्पन्न भएको थियो ।
प्रतियोगितामा भूमिकास्थान नगरपालिकाका १० वटै वडा १० समुहको सहभागिता भएको र लिग सिस्टमवाट खेल संचालन हुने हुँदा खेल झण्डै १ साता सम्म संचालन हुने अध्यक्ष राजकुमार श्रेष्ठले जानाकारी दिनुभएको छ ।
बैशाख १ गते, २०७५ मा प्रकाशित
