बेपत्ता उमा भुसाल ।
अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर १ रतहले बजार (बसपार्क पछाडि) की एक महिला बेपत्ता भएकी छिन् ।
रतहले बजार निवासी ओम भुसालकी ३५ वर्षिया श्रीमती उमा भुसाल बैशाख २ गते आईतबार देखि हराइएकी हुन् । उमाले सोही दिन बिहान उपचारका लागि भन्दै बुटवल गएकी थिइन् ।
उमाले घरपरिवारमा सल्लाह अनुसार हिंडेकी थिईन् तर उनी २ दिनसम्म पनि संपर्कमा आउन सकेकी छैनन् । उमाका श्रीमान ओम भुसाल १० वर्ष देखि वैदेशिक रोजगारीका क्रममा कतारमा छन् । परिवारका अनुसार उमाले आफु लुम्बिनी अंचल अस्पतालमा गएको बताए लगतै फोन बन्द गरेकी छिन् ।
ओम भुसालले अर्घाखाँचीडट्कमलाई बताए अनुसार उनी गएको बुटवलमा खोजी गर्दा अझै फेला पर्न सकेकी छैनन् । उमाका बुवा धन बहादुर भाट क्षत्रीले छिमेकी, आफन्तहरु, माइती, साथीहरुमा खोजी गर्दा समेत भेटिएकी छैनन् । उमा बिरामी भएको २ दिन भएको र खाना पनि खाएकी थिईनन् । उनी यसभन्दा अगाडि पनि एक्लै बुटवल जाने आउने गर्थिन् ।
घरबाट हिंडेपछि सोही दिन साँझसम्म श्रीमानसँग पटक – पटक फोन र ईमो कुराकानी गरेकी थिईन् । श्रीमान ओमसँग उक्त दिन साँझ ५:३० बजेसम्म कुरा भएको थियो । यस अगाडि श्रीमानसँग दिनमा ४,५ पटक फोनमा कुरा हुने गर्थ्यो, ओमले डट्कमलाई भने । उनले प्रयोग गर्ने ९८२१५३०९०२ नम्बरको फोनमा संपर्क हुन सक्दैन । कपिलवस्तुको बनगाई माइती गरेकी उमाका ९ वर्षको एक छोरा बिशाल भुसाल र ३ वर्षकी छोरी बन्सिका भुसाल रहेका छन् ।
उता दुई दिनसम्म फेला नपरेपछि माईती र घरपरिवारले खोजी गरिदिन प्रहरीलाई अनुरोध गरेका छन् ।
पछील्लो समय अर्घाखाँची जिल्लामा भागेर हिडने महिलाहरुको संख्या बढेको छ ।
बैशाख ४ गते, २०७५ मा प्रकाशित
