दयाराम सेजवाल, सपना अधिकारी ।
अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम ) । अर्घाखाँची जिल्लाको सन्धिखर्क नगरपालिकाको रहतलेमा एक युवाले श्रीमती पोइला गएको एक हप्तामा मृत फेला परेका छन् ।
सन्धिखर्क नगरपालिका वार्ड नम्बर ११ अमिलेका गोपी जङ सेजवालका २४ वर्षिय छोरा दयाराम सेजवाल आफ्नो सन्धिखर्कको रहतले डेराको कोठामा झुन्डिएको अवस्थामा दुई दिन अगाडि फेला परेका हुन् ।
दयारामकी श्रीमती सपना अधिकारी अर्कै ड्राइभरसँग एक हप्ता अगाडि पोइला गएकी थिईन् । सपनाले फेसबूकमा पोइला गएको एक हप्तापछि अर्कै युवासँग लिएको तस्बिर पोस्ट गरेको देखे पछि पिडा सहन नसकी आत्महत्या गरेको हुनसक्ने स्थानियबासीले बताए ।
दयाराम ड्राइभर काम गर्दै आएका थिए । स्थानियका अनुसार दयारामसँग उक्त युवा सालाको नाताले बारम्बार आउने-जाने गर्थे ।
उता प्रहरीले मृत्युको बारेमा अनुसन्धान गरिरहेको बताएको छ ।
दयाराम सेजवाल, सपना अधिकारी ।
बैशाख ११ गते, २०७५ मा प्रकाशित
