नेपाली दुतावास इजरायलको मुख्य आयोजनामा २५६२ औं बुद्ध जयन्ती मनाइने

तेलअभिव|अर्घाखाँचीडट्कम|विश्व शान्तिका अग्रदूत भगवान गौतम बुद्धको २५६२ औ जन्म जयन्ती पहिलोपल्ट नेपाली दुतावास इजरायलको मुख्य आयोजनामा सम्पन्न हुने भएको छ ।

इजरायलमा रहेका झन्डै ३ दर्जन भन्दा बढी विभिन्न सामाजिक, राजनीतिक, धार्मिक संघसंस्थाहरुको साथमा यहि १२ मे २०१८ शनिबार तेलअविवमा मनाउने तयारी भएको हो ।

कार्यक्रमलाई अत्याधिकरुपमा सफल बनाउन अन्तिम तयारी र थप छलफलको लागि येही गत महिना – २७ अप्रिल शुक्रबारको दिन एनआरएनए इजरायलको कार्यलयमा नेपाली दुतावास इजरायलका महामहिम निरन्जन थापा सहित सम्पूर्ण इजरायलमा रहेका संघसंस्था, मिडियाकर्मीहरु प्रतिनिधिहरु सहितको छलफल गरिएको बताइएको छ ।