-कोमल भट्ट
च.न.पा-१३
पुरानो नैकाप,काठमाडौँ
हाल:- न्युयोर्क,अमेरिका
संसार तिम्रै रचना छ तिम्रै
माया छ तिम्रै रटना छ तिम्रै
तिम्रो छ धाता महिमा अपार
सम्भार तिम्रै ढकना छ तिम्रै
सद्प्रेम छर्छौ जगमा अनन्त
चैतन्य तिम्रै सपना छ तिम्रै
सक्छौ तिमी नै भव सिन्धु तार्न
डुङ्गा छ तिम्रै बहना छ तिम्रै
धुन्छौ सबै दुर्गुण,क्लेश हाम्रा
सारङ्ग तिम्रै झरना छ तिम्रै
उन्मुक्ति देऊ परितापबाट
सद्भक्ति तिम्रै रसना छ तिम्रै
इन्द्रवज्रा छन्द
५ मा विश्राम
जेष्ठ २ गते, २०७५ मा प्रकाशित
