(प्रकासित मिती: २०७५ ज्येष्ठ ७, सोमवार)
सुर्य भुसाल
सन्धिखर्क, अर्घाखाँची (अर्घाखाँचीडट्कम) । एम्स सोसाइटी सन्धिखर्क अर्घाखाँचीद्वारा सन्धिखर्कमा ज्येष्ठ २ गतेबाट सुरु भएको क्रिकेट प्रतियोगिता सोमवार सम्पन्न भएको छ ।
सो कार्यक्रममा नगरप्रमुख कमलप्रसाद भुसाल तथा उपप्रमुख ठाकुर कुमार बिक किशोरले पुरस्कृत हुनेहरूलाई ट्रफी, प्रमाणपत्र, र नगद पुरस्कार प्रदान गर्नुभयो ।
उक्त क्रिकेट प्रतियोगितामा २४ टिम सहभागी भएको थियो । प्रतियोगितामा प्रथम पुरस्कार बाईस हजार दुई सय बाइस प्राप्त गरि एम्स क्लब सन्धिखर्क ट्रफी, प्रमाणपत्र र मेडलले सम्मानित भएको छ । द्वितीय स्थान एसिए अर्घा कृकेट क्लबले एघार हजार एकसय एघार प्राप्त गरि दोस्रो विजेताको स्थान हासिल गरेको छ ।
उक्त खेलका म्यान अफ द सिरिज मनोज सापकोटाले एकसय असी रन हानी उत्कृष्ट खेलाडी भएका छन । समापन समारोहको अध्यक्षता अशोक भुसाल र सन्चालन एम्स सोसाईटीका ऋषिकेश भट्टराईले गर्नुभएको थियो ।
जेष्ठ ७ गते, २०७५ मा प्रकाशित
