राष्ट्रिय जनमाेर्चा अर्घाखाँचीकाे सन्धिखर्कमा सम्पन्न चाैथाे जिल्ला सम्मेलनबाट थम्मन के.सीलाई अध्यक्ष पदमा निर्वाचित (तस्बिर सहित)

सन्धिखर्क, अर्घाखाँची (अर्घाखाँचीडट्कम) । राष्ट्रिय जनमाेर्चा (राजमो) जिल्ला समिति अर्घाखाँचीकाे जिल्लाको सदरमुकाम सन्धिखर्कमा सम्पन्न चाैथाे जिल्ला सम्मेलन थम्मन के.सीलाई अध्यक्ष पदमा निर्वाचित गर्दै सम्पन्न भएको छ । 

जिल्ला समितीको उपाध्यक्षमा गोपाल पौडेल, सचिबमा बाबुराम सुनार, कोषाद्क्ष्यमा यमलाल पोख्रेल, सहसचिबमा तुल्सा कुवर रहने गरि २३ पुर्ण ७ बैकल्पिक गरि ३० सदस्यिय जिल्ला समिती चयन गरिएको हो ।

निर्वाचित अध्यक्ष थम्मन केसीले हिजो मात्र नेकपा मसालको पार्टी जिल्लाको प्रवक्ताबाट राजिनामा दिएका थिए । 

सम्मेलनको राष्ट्रिय जनमाेर्चा केन्द्रीय अध्यक्ष तथा पुर्व उपप्रधानमन्त्री चित्र बहादुर के.सी.ले शनिबार एक समारोहका बिच उद्घाटन गरेका थिए ।  केसीले आम्दानी बिनाको खर्च देशले थेग्न नसक्ने र संघीयता खारेज नभएमा संघीयताले देश नै खारेज हुने स्थिति आउने र देश नाइजेरिया जस्तै हुने खतरा रहेको बताए । कार्यक्रमको उदघाटन गर्दै केसीले कुशको औठी लगाएर अरुण तेस्रो ओली सरकारले भारतलाई बुझाएको भन्दै नेता केसीले देशमा वामपन्थीको सरकार भएपनि भ्रष्टाचार, महंगी र कालोबजारी बढेको बताउदै सरकारले राष्ट्रवादी कुरा गरेपनि देशको राष्ट्रियता, सार्भभौमिकता र अखण्डता कमजोर बनेको बताए ।

विदेशबाट आउने रेमिटान्सले देश चल्न नसक्ने भन्दै वार्षिक रुपमा विदेशबाट आउने ७ खर्वले अब यो देशलाई धान्न नसक्ने बताए ।

उनले केन्द्रमा थोरै अधिकार राखेर स्थानीय तहलाई धेरै अधिकार दिएर संघीय प्रदेश खारेज गर्नुपर्ने बताउँदै केन्द्र र स्थानीय तहलाई जोड्न सानो प्रशासनिक इकाई भए पुग्ने बताए ।