अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम)। नेपाली कांग्रेस निकट नेपाल स्वास्थ्यकर्मी संघ अर्घाखाँचीकाे साताैं जिल्ला अधिवेशन सम्पन्न भएको छ ।
साताैं जिल्ला अधिवेशनले गणेश राज पौडेललाई अध्यक्ष पदमा निर्वाचित गर्दै सम्पन्न भएको हो ।
साताैं जिल्ला अधिवेशनको कांग्रेस जिल्ला सभापति बिष्णु प्रसाद खनाल मुस्कानले उद्घाटन गरेका थिए ।
कार्यक्रममा स्वास्थ्यकर्मी संघका केन्द्रीय सदस्य लिला गौतम, ट्रेडयुनियन कांग्रेसका प्रदेश सचिव नन्दराम भट्टराई, यातायात मजदुर संघ पाँच नम्बर प्रदेश सदस्य आत्मसिंह घर्ती लगायतले मन्तव्य राख्नु भएको थियो । कार्यक्रम विश्वदेव न्यौपानेको अध्यक्षतामा सम्पन्न भएको हो ।
जेष्ठ १७ गते, २०७५ मा प्रकाशित
