प्रेम खड्का
गच्छेखोला, अर्घाखाँची (अर्घाखाँचीडट्कम) । राष्ट्रिय जनमोर्चा अर्घाखाँची जिल्ला समितीका अध्यक्ष थम्मन केसीलाई पितृ शोक परेको छ।
के.सीका पिता ओम बहादुर केसीको ८७ वर्षको उमेरमा आज शुक्रबार बिहान ६:१५ बजे आफ्नै निवास सन्धिखर्क नगरपालिका वार्ड नम्बर ७ प्रगतिनगर भालुखोलामा निधन भएको हो।
पिता ओम बहादुर केसी केही समय देखि अवस्थ्य हुनुहुन्थ्यो । स्व. ओम बहादुरका २ छोरा र एक छोरी रहेका छन् ।
स्व. ओम बहादुरको आज दिउसो गच्छे घाटमा अन्तिम दाह संस्कार गरिएको थियो । पार्टी सदस्य समेत रहेका स्व. ओम बहादुरलाई राष्ट्रिय जनमोर्चाको झन्डा ओढाइएको थियो ।
श्रद्धाञ्जली दिन नेपाली कांग्रेस, राष्ट्रिय जनमोर्चा, नेकपाका नेताहरु तथा सन्धिखर्क नगरपालिका कमल प्रसाद भुसाल, उपप्रमुख ठाकुर कुमार बिक लगायतको उपस्थिती रहेको थियो ।
थम्मन केसी केही दिन अगाडि राष्ट्रिय जनमोर्चा अर्घाखाँची जिल्ला समितीको अध्यक्ष पदमा निर्वाचित हुनु भएको थियो ।
जेष्ठ २५ गते, २०७५ मा प्रकाशित
