सुपा देउरालीबाट सन्धिखर्क आउँदै गरेको ट्याक्सी दुर्घट्ना, एक जना घाइते

सुपादेउराली, अर्घाखाँची (अर्घाखाँचीडट्कम) । अर्घाखाँची जिल्लाको सुपा देउरालीबाट सन्धिखर्क आउँदै गरेको ट्याक्सी दुर्घट्ना भएको छ । दुर्घट्नामा एक जना घाइते भएका छन् ।

देउरालीबाट सन्धिखर्क आउँदै गरेको लु १ ज ३३८३ नम्बरको शान्ती बगैचा मुनीको कणेल किराना स्टोरको ट्याक्सी सुपा नजीकै अपरान्ह ३:३० – ४:०० बजे दुर्घट्ना भएको हो ।  दुर्घट्नामा सन्धिखर्क ७ जगातका पवन भाट घाइते भएका छन् । ट्याक्सी सुपादेउराली दर्शन गरि सन्धिखर्क तर्फ फर्कने क्रममा दुर्घट्ना भएको थियो । 

ट्याक्सीमा ३ जना सवारी थिए । दुर्घट्नापछि फरार चालकको खोजी भईरहेको प्रहरीले अर्घाखाँचीडट्कमलाई बतायो । घाइतेको सन्धिखर्क स्थित जिल्ला अस्पतालमा उपचार भईरहेको छ ।

दुर्घट्नाको कारण खुल्न सकेको छैन् । दुर्घट्नाको अनुसन्धान भैरहेको प्रहरीले बताएको छ ।