प्रेम खड्का
धरमपानी, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर १० का वार्ड सद्स्यले आफुले पाएको भत्ताबाट विधालयलाई सहयोग गरेका छन् ।
वार्ड नम्बर १० का वार्ड सदस्य भेषराज क्षेत्रीले नगरबाट पाएको भत्ताबाट धरमपानीको विधालयमा पन्खा, गच्छेगैरा मिर्लिङ्ककोट विधालयमा कुर्ची, बच्चालाई खेल्ने झुला लगायतका सामाग्री सहयोग गरेका हुन् ।
क्षेत्रीले आफुले नगरपालिकाका विभिन्न कार्यक्रमबाट पाएको भत्ताबाट नियमित यस क्षेत्रमा सहयोग गर्दै आएका छन् । यस्तै उनले बाटो खन्दा बजेट नपुगेको समय आँफै खर्च गरेर बाटोको निर्माण कार्य पुरा गर्दै पनि आएका छन् ।
क्षेत्री युवासेवी पनि हुन् । उनले बेला – बेला यहाँका गाउँले बिरामी हुँदा आफ्नै खर्चमा अस्पतालसम्म पुराएर उपचार गराउदै आएका छन् ।
जिल्लामा उनिबाट अरु जनप्रतिनिधीले पनि पाठ सिके जिल्ला बिकासमा ठुलो मद्दत हुने स्थानियबासीको भनाई रहेको छ ।
आषाढ़ २ गते, २०७५ मा प्रकाशित
