अर्घाखाँचीमा ओभरलोड सामग्री ढुवानी गर्ने सवारी साधनलाई कारबाही गर्दा १९,५०० राजस्व, गोरुसिङ्गे – सन्धिखर्क सडक जिर्ण बन्दै

सन्धिखर्क, अर्घाखाँची असार ५   । गोरुसिङ्गे देखी सदरमुकाम सन्धिखर्क जोड्ने सडक दिनप्रतिदीन जिर्ण बन्दै गएको छ ।

पुर्व पश्चिम राजमार्ग देखी अर्घाखाँचीको सदरमुकाम सन्धिखर्क जोड्ने एकमात्र गोरुसिङ्गे सन्धिखर्क सडकमार्ग जिर्ण हुदै गएपछि यात्रा कष्टकर बन्दै गएको हो ।

सडकको दशटन सम्मको भारवहन क्षमता रहेको भएपनी ओभरलोड सवारी गुड्दा सडक जिर्ण बन्दै गएको हो । कम भारवहन क्षमता रहेको साघुरो सडकमा जथाभावी ओभरलोड सवारी गुड्दा सडक भासिने र खाल्डाखुल्डी हुदा दैनिक यात्रा कष्टकर बन्दै गएको यात्रुहरुको गुनासो रहेको छ ।

जिल्ला भित्रीने र बाहिरीने अधिकांस ठुला सवारीसाधनले क्षमता भन्दा बढि भारवहन गर्ने भएपनी सम्बन्धित निकायको ध्यान जान सकेको छैन । जिल्लाबाट बाहिरीने काष्ठ जन्य बस्तु, चुनढुङ्गा र भित्रिने इट्टा,वालुवा,गिट्टी जस्ता अधिकांश बस्तु ढुवानी गर्ने सवारीले सडकको क्षमता ख्याल गरेको पाइदैन ।

साघुरो सडकमा साना घुम्ती भएकाले बिपरीत दिशाबाट आउने सवारी लाई साइड दिन समेत निकै समस्या परेको छ । कैयौ पटक सवारी दुर्घटनाको कारण बनेको ओभरलोड प्रतिे जिल्ला द्राफिक प्रहरी कार्यालको समेत ध्यान पुग्न सकेको छैन ।

जिल्ला भित्रिने र बाहिरीने सवारीको भारवहन नाप्ने संयन्त्र नहुदा चेकजाचमा समस्या भएको जिल्ला द्राफिक प्रहरी कार्यालको भनाई रहेको छ । सडकको क्षमता भन्दा बढि भार बोकेर द्राफिक प्रहरीकै अगाडी बाट हुइकिने सवारी प्रती सम्बन्धित निकाय देखेको नदेखै गर्नुले नियमन गर्ने निकाय प्रति शंका बढ्दै गएको छ ।