प्रेम खड्का
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको चुत्राबेशीस्थित भद्रीखोलामा बाघको बच्चा (डम्मरु) घाइते अवस्थामा फेला परेको छ ।
बाघको डाढमा एक चोट छ । स्थानियबासीले जानकारी गराएपछि प्रहरी र वन कार्यालयका कर्मचारीको टोलीले बाघलाई वन कार्यालयमा ल्याई उपचारका लागि जिल्ला पशु कार्यालय सन्धिखर्क लागेका थिए ।
करिब ४ किलो र अन्दाजी २ वर्ष उमेरको उक्त बच्चाको लम्बाई अन्दाजी २ फिट ३ इन्च रहेको छ।
बाघ अचेत अवस्थामा छ । बाघले केही दिन देखी केही नखाएको जस्तो देखिन्छ । नियन्त्रणमा लिइएको घाइते बाघ अहिले जिल्ला वन कार्यालय सन्धिखर्कमै राखिएको छ ।
आषाढ़ ६ गते, २०७५ मा प्रकाशित
