अर्घाखाँचीडट्कम संवाददाता
धारापानी, अर्घाखाँची (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका -३ धारापानीको सामुदायिक जंगलमा डढेलाे लागिरहेकाे छ ।
धारापानीको सामुदायिक वनमा दिउसो देखि डढेलाे लागेको हो । डढेलाे राती अबेरासम्म पनि नियन्त्रणमा आउन सकेको छैन् ।
वर्षायाममा पानी नपर्दा जिल्लाका विभिन्न ठाउँका सार्बजनिक जङ्गलमा वन डढेलाे लागिरहेकाे देखिन्छ ।
बाँगीमा आगलागी हुँदा दुई भैसी घाइते
अर्घाखाँची जिल्लाको मालारानी गाँउपालीका वार्ड नम्बर -५ बाँगीमा घरगोठमा आगलागी हुँदा दुई भैसी गम्भीर रुपमा घाइते भएका छन् ।
बाँगी कुजेरीका टेक बहादुर खड्काको गोठामा बिहीवार दिउँसो करिब २ वजे आगलागी हुँदा दुई भैसी गम्भीर रुपमा घाइते हुन् । बिहानको पानी तताएर आगो निभाउन विर्सिएर उक्त आगलागी हुन पुगेको बताइएको छ ।
आगो स्थानीयबासीको सहयोगमा नियन्त्रणमा आएको थियो ।
आषाढ़ ८ गते, २०७५ मा प्रकाशित
