पहिलो प्रकासित मिती: असार ७, २०७३
श्याम घिमिरे
सन्धिखर्क, अर्घाखाँची असार ७ । उद्योग वाणिज्य संघ अर्घाखाँचीले जिल्लामा भर्खरैमात्र सरुवा भई आउनुभएका प्रहरी नायव उपरिक्षक नबराज मल्ललाई एक कार्यक्रमका बिच स्वागत गरेको छ ।
स्वागत कार्यक्रममा बोल्दै प्रहरी प्रमुख मल्लले जिल्लाको शान्ति सुरक्षालाई प्रभावकारी बनाउन आफूले कुनै कसुर बाँकी नराख्ने बताउनु भयो । उहाँले प्रहरी नागरिकसँग प्रगाढ सम्वन्ध स्थापित गरेर काम गर्न चाहेको भन्दै सम्पूर्ण जिल्लाबासीको सहयोगले आफूले केहि नयाँ काम गर्न चाहेको पनि बताउनु भयो । उहाँले प्रहरीले मुस्कान सहितको सेवा प्रदान गरेर नागरिकको मन जित्नु पर्ने औंल्याउनु भयो । समाजमा अबाञ्छीत कृयाकलाप गर्ने जो कहीलाइ पनी नछाड्ने भन्दै प्रमुख मल्लले आफु जिल्लामा रहुन्जेल बिधिको शासन अनुसार कामगर्ने बताउदै, कानुन कार्यान्वयनमा जोड दिने बताउनु भयो ।
उद्योग वाणिज्य महासंघका केन्द्रीय सदस्य कृष्ण प्रसाद श्रष्ठले प्रहरीको सहयोग बिना उद्योग व्यवसाय सञ्चालन गर्न नसकिने भन्दै प्रहरीले आवश्यक सहयोग प्रदान गर्दै आएको बताउनु भयो ।
पत्रकार महासघंका अध्यक्ष हिम जिसीले जिल्लाको समग्र बिकासका लागी सन्चारकर्मीको सहयोग रहीरहने बताउनु भयो । कार्यक्रममा उद्योगी व्यापारी,सन्चारकर्मी, वैंकका प्रमुहरु,सुनचाँदी ब्यबसायीहरु लगायतको उपस्थिति रहेको थियो ।
कार्यक्रम अर्घाखाँची उद्योग वाणिज्य संघका अध्यक्ष युबराज श्रेष्ठको अध्यक्षता, बरीष्ठ उपाध्यक्ष नेत्र भुसालको स्वागत मन्तव्य र महासचिव प्रदिप मिश्रको सञ्चालनमा सम्पन्न भएको हो ।
आषाढ़ ८ गते, २०७५ मा प्रकाशित
