अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँचीको सन्धिखर्क नगरपालिकाले जेष्ठ नागरिकलाई उचित हेरचाह रेखदेख पालनपोषण गर्ने परिबारजनलाई सम्मान कार्यक्रम सम्पन्न गरेको छ ।
सन्धिखर्क नगरपालिकाले प्रत्येक वडा बाट २/२ जनाका दरले जेष्ठ नागरिक र पालनपोषण हेरचाह गर्नेलाई समेत सम्मान गरेको हो ।
सन्धिखर्क नगरपालिका द्वारा आयोजित जेष्ठ नागरिकलाई उचित हेरचाह रेखदेख पालनपोषण गर्ने परिबारजनलाई सम्मान कार्यक्रममा नगर प्रमुख कमल प्रसाद भुसाल, उप- प्रमुख ठाकुर कुमार बि. क. किशोर कार्यकारी प्रमुख जीवन ज्ञवाली लगायत बोलेका थिए ।
सम्मान कार्यक्रममा सासु आमालाई राम्रो संग हेरचाह गरे बापत बुहारी, आमालाई सेवा सुसार गरे बापत छोरा, छोराले बुबालाई उचित हेरचाह गरे बापत, श्रीमान लाई उचित हेरचाह गरे बापत श्रीमती, सासुलाई राम्रो संग पालनपोषण गरे बापत बुहारी सम्मानित भएका थिए ।
कार्यक्रम शिक्षा प्रमुख बलराम मिश्रको स्वागत र नगरपालिका अधिकृत गोबिन्द केसीको संचालनमा सम्पन्न भएको थियो ।
आषाढ़ ३१ गते, २०७५ मा प्रकाशित
