अर्घाखाँचीडट्कम संवाददाता
सन्धिखर्क, अर्घाखाँची । अर्घाखाँची जिल्लाको सन्धिखर्कबाट काठमाडौंका लागि अत्याधुनिक सुविधायुक्त एसी जडित डिलक्स बस सञ्चालन भएको छ ।
पश्चिम नेपाल बस ब्यबसायी संघका केन्द्रिय सदस्य तथा अर्घाखाँची जिल्ला इन्चार्ज राम बहादुर बस्नेतले आईताबार बिहान रिबन काटी बस सेवाको सुभारम्भ गरेका थिए । सो अबसरमा यात्रुहरूलाई टीका, अबिर र खादाले सम्मान स्वागत गरिएको थियो। नयाँ बसपार्क र पछि शान्तिबगैचा चोकमा कार्यक्रम आयोजना गरिएको थियो ।
चालक ज्ञानु बेल्बासेलाई सम्मान स्वागत सहित सुरु भएको सो कार्यक्रममा बस काउण्टरका कर्मचारी टोपलाल भुसाल तथा अन्य कर्मचारी समेतको उपस्थिती रहेको थियो।
श्रावण १४ गते, २०७५ मा प्रकाशित
