अर्घाखाँचीडट्कम संवाददाता
खन, अर्घाखाँची । अर्घाखाँची जिल्लाको मालारानी गाउँपालिका वार्ड नम्बर ३ खनदहको गोहेंलीमा एक पुरुष मृत अबस्थामा फेला परेका छन् ।
खनदहको गोहेंलीका ४४ बर्षिय भोज बहादुर चौहान मृत अबस्थामा फेला परेका हुन् ।
गत साउन ११ गते शुक्रबार देखि घर बाट असामी उठाउन हिंडेका चौहान घर भन्दा करिब १ किलोमिटर तल पैयापाटा डिल बहादुर खनालको घरको दलानमा हिजो आईताबार दिउँसो २ बजे मृत अबस्थामा फेला परेका थिए। उनको घाँटीमा डोरीको निशानी छ । चौहानले डिल बहादुर खनाल कै मोबाईल नम्बरबाट आफ्नै छोरा र सालालाई म घेराबन्दिमा परें भन्दै १० बजे तिर फोन सम्पर्क समेत गरेको बताइएको छ ।
चौहानले मालारानी ४ को देउरालीमा पसल गर्दै आएका थिए । खन इलाका प्रहरी कार्यालय र जिल्ला प्रहरी कार्यालयबाट गएको प्रहरी टोलीले घटनास्थलमा पुगी शबलाई पोस्टमार्टमको लागि जिल्ला अस्पताल सन्धिखर्कमा ल्याइएको थियो ।
घटनाको आशंकामा प्रहरीले डिल बहादुर खनाल लगायत ३ जनालाई पक्राउ गरि अनुसन्धान गरिरहेको प्रहरी निरीक्षक खिम बहादुर घर्तिमगरले बताए ।
मृतक चौहानका श्रीमती १ छोरा र १ छोरी रहेका छन् ।
श्रावण १४ गते, २०७५ मा प्रकाशित
