प्रेमनारायण आचार्य
सन्धिखर्क, अर्घाखाँची । अर्घाखाँचीको सन्धिखर्कमा निर्माण हुने अर्घा भगवती विमानस्थलको शिलान्यास भएको २५ महिना बितेको छ । शिलान्यास भएको २१ महिनापछि विमानस्थल बन्ने क्षेत्रमा रुख कटान सुरु भएको थियो । रुख कटान सकिएपनि विमानस्थल बनाउन खन्ने तथा अन्य काम भने सुरु भएको छैन ।
सन्धिखर्क नगरपालिका-१० धरम्पानीको शिखरबार्नीमा निर्माण हुन थालेको विमानस्थलको २०७३ साल असार १३ गते तत्कालिन नेपाल सरकारका उपप्रधान तथा उर्जामन्त्री टोप बहादुर रायमाझिले शिलान्यास गरेका थिए । विमानस्थल बन्छ र छिटो छरितो यात्रा गर्न पाइएला भनेर आश गरेर बसेका अर्घाखाँचीवासिहरु अब विमानस्थल नबन्नेत हैन भनेर चिन्ता ब्यक्त गर्न सुरु गरिसकेका छन ।
रुख कटान सुरु भएपछि अब ढिलै भए पनि विमानस्थल बन्छकि भन्नेमा स्थानीय तथा जिल्लाबासीहरुले आसा गर्न थालेकोमा त्यो आशा पनि निरासामा परिणत हुनेत हैन भन्ने चर्चा चल्न थालेको छ । कतिपयले चुनावको बेला रुखहरु कटान भएपनी, काम अगाँडी बढ्न नसक्नुले चुनाव जित्न देखाईएको सक्रियता मात्र भएको आरोप लगाएका छन । जिल्लाबासीहरु अहिले सन्धिखर्कबाट रुपन्देहीको भैरहबामा गएर हबाइ यात्रा गरिरहेका छन ।
आफ्नै जिल्लामा विमानस्थल भएमा बिहान काठमाण्डौ गई काम सकेर साझ घर फर्कन सक्ने सपना देखेका जिल्लाबासीको सपना पुरा हुन कति बर्ष लाग्ने हो त्यो भने हेर्न बाकी छ । २०७३ सालको असार १३ गते भएको शिलान्यास कार्यक्रममा तत्कालिन उपप्रधानमन्त्री टोप बहादुर रायमाझि मात्र नभई नागरिक उड्यन प्राधिकरणका निर्देशक धु्रवदास मोहिमोया पनि उपस्थित हुनुहुन्थ्यो । नगारिक उड्न प्राधीकरणले काम गर्न ढिला गरेकोमा विमानस्थल बन्ने नबन्नेमा जिल्लाबासीहरु शसंकित भएका छन ।
श्रावण २९ गते, २०७५ मा प्रकाशित
