डिभर्ना ।
अर्घाखाँचीडट्कम संवाददाता
डिभर्ना, अर्घाखाँची । अर्घाखाँची जिल्लाको सन्धिखर्क नगरपालिका वार्ड नम्बर १२ डिभर्नाको टाकुराका एक वृद्धको लडेर मृत्यु भएको छ ।
टाकुराका ७० वर्षीय टेक बहादुर सार्की (कटाले)को सल्लिकोटको एक पसलबाट फर्कने क्रममा साउन २९ गते राती बरकापाटा-रुखमा लडेर मृत्यु भएको हो ।
टेक बहादुरलाई अर्को दिन बिहान स्थानियबासीले घाइते अवस्थामा फेला परेपछि जिल्ला अस्पताल अर्घाखाँची पुराएका थिए । तर त्यहाँ उपचार हुन नसकेर उनलाई बुटवल तर्फ लैजाने क्रममा कपिलवस्तु बनगाईमा आज दिउँसो १ बजे मृत्यु भएको हो ।
टेक बहादुरले उक्त दिन बढी मदिरा सेवन गरेका थिए । शबलाई पोस्टमार्टमका लागि सन्धिखर्क ल्याइएको छ । साथै प्रहरीले घटनाको बारेमा अनुसन्धान भईरहेको बताएको छ । मृतकका श्रीमती, २ छोरा भारतमा रोजगार गर्ने र एक विबाहित छोरी रहेका छन् ।
श्रावण ३१ गते, २०७५ मा प्रकाशित
