अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको भुमिकास्थान नगरपालिका वार्ड नंम्बर – ९ ढिकुराको भुजेलपानीमा एक युवती मृत फेला परेकी छिन् ।
ढिकुराको भुजेलपानीका सन्दिप खत्रीकी २० वर्षिया श्रीमती माया खत्रीले आफ्नै घरको कोठामा झुण्डिएको अवस्थामा मंगलबार फेला परेकी हुन् ।
माया मंगलबार दिउसो एक वर्षिया छोरीलाई सुताउन कोठामा गएकी थिईन् । उक्त समयमा श्रीमान सन्दिप लगायत सबै परिवार घरमा नै थिए । बालिका रोहेको सुनेपछि कोठामा हेर्न जाँदा चुन्नीले झुन्डिएको अवस्थामा उनलाई फेला परेका थिए ।
स्थानियबासीले खबर गरेपछि जिल्ला प्रहरी कार्यालयबाट एको टोली घटनास्ठल पुगेको थियो । प्रहरीले आत्महत्या गरेको अनुमान गर्दै घटनाको बारेमा अनुसन्धान भईरहेको बताएको छ ।
शबलाई पोस्ट मार्टमका लागि जिल्ला अस्पताल अर्घाखाँचीमा लगिएको छ ।
अर्घाखाँचीमा पछील्लो समय आत्महत्या गर्नेको संख्या बढेको देखिन्छ ।
भाद्र १३ गते, २०७५ मा प्रकाशित
