राष्ट्रिय जनमोर्चा अर्घाखाँचीले भोली सन्धिखर्कमा बिरोध प्रदर्शन गर्ने, सन्धिखर्कमा मशाल जुलुस

भाद्र १७  । संघियता खारेजि नभए मुलुक अप्ठ्यारोमा पर्ने निष्कर्ष सहित राष्ट्रिय जनमोर्चा अर्घाखाँचीले भोली  सन्धिखर्कमा बिरोध प्रदर्शन गर्ने भएको छ ।

नेपाल र नेपालीको इच्छा बिपरित जर्बजस्त लादिएको संघिय ब्यबस्थाले देशको अर्थतनत्र अस्तब्यस्त हुनुको साथै राष्ट्रियता समेत खतरामा पर्दै गएको हुनाले संघियता खारेजिको माग गर्दै बिरोध गर्न लागेको राजमो अध्यक्ष थम्मन केसीले जानकारी दिनुभएको छ ।

राजमो जिल्ला सचिवालय समितिको सन्धिखर्कमा सम्पन्न बैठकले संघिय ब्यबस्थामा बनेका सरकारका प्रतिनिधि पाल्न कर बृद्धि गरिएको,मुलुकमा संविधान कार्यान्वयनपछि पनि पछिल्लो समय बलत्कार,हत्या,हिंसा,भ्रष्टचार जस्ता बिकृति जन्य घटना बढ्दै जांदा सरकारले शषक्त कदम चाल्न नसकेको र जनताका दैनिक सरोकार राख्ने बिषयमा सरोकारवालाले सहज सेवा दिनुपर्ने निष्कर्ष निकाल्दै सरकारको ध्यानाकर्षण गराउन भोली मसाल जुलुस र पर्सि बिरोध सभाको आयोजना गरिएको अध्यक्ष केसीले बताउनुभएको छ ।