प्रेमनारायण आचार्य
चिदीका, अर्घाखाँची २९ भदौ । छत्रदेव गाँउपालिका अर्घाखाँचीले वाल दिवसको अवसरमा गाँउ पालिका स्तरिय हाजिरी जवाफ प्रतियोगिता सम्पन्न गरेको छ ।
गाँउपालिकाका विभिन्न १० माध्यमिक विद्यालयले भाग लिएको हाजिरी जवाफ प्रतियोगितामा चन्द्र माध्यमिक विद्यालय चिदीका प्रथम, नेपाल राष्ट्रिय माध्यमिक विद्यालय ठुलापोखरा द्धितीय र सरस्वती माध्यमिक विद्यालय सुर्यथुम तृतीय भएका छन ।
सुखी नेपाली समृद्ध नेपाल, वाल अधिकार सबैको सरोकार भन्ने नाराका साथ आयोजित कार्यक्रममा गाँउपालिकाका कार्यवाहक अध्यक्ष तुलसादेवी श्रेष्ठ, प्रमुख प्रशासकीय अधिकृत भेसराज पन्थ, वडा अध्यक्ष अशोक कुमार श्रेष्ठ, प्रकास पन्थी, राजेस पन्थी, वालकृष्ण श्रेष्ठ, नेरा मावि ठुला पोखराका प्रधनाध्यापक शालिकराम उपाध्याय लगायतले मन्तब्य राख्नु भएको थियो ।
कार्यक्रम गाँउपालिकाका सामाजिक विकास समितिका अध्यक्ष तथा वाड नम्वर ६ का अध्यक्ष कमल पा्रडेलको अध्यक्षता र विश्वदेव न्यौपानेको सञ्चालनमा सम्पन्न भएको हो ।
भाद्र २९ गते, २०७५ मा प्रकाशित
