अर्घाखाँचीडट्कम संवाददाता
ठाडा, अर्घाखाँची । अर्घाखाँची जिल्लाको शितगंगा २ को सितापुर फलाचौर घुम्तिमा मोटरसाइकल दुर्घटना हुँदा दुई जना घाइते भएका छन् ।
फलाचौर घुम्तिमा भएको मोटरसाइकल दुर्घटनामा शिब बहादुर घर्तिमगरका ३६ बर्षिय छोरा हिरासिंह घर्तिमगर र यज्ञ बहादुर पुनका २३ बर्षिय छोरा बम बहादुर पुन घाइते भएका हुन् । उनिहरु दुवै फलाचौर घुम्ति जिप दुर्घटनामा घाइते शिव बहादुर घर्तिमगर र यज्ञ बहादुर पुनका छोराहरु हुन् ।
मोटरसाइकल दुर्घटनाका घाइतेहरु जीप दुर्घटनाको घटनाको खबर पाउँना साथ मालारानी ६ हंशपुर बाट मोटरसाइकलमा बुटवल तर्फ जाँदा जिप घटना भएकै स्थानमा मोटरसाइकल दुर्घटना हुँदा २ जना घाइते भएको इलाका प्रहरि कार्यालय ठाडाका प्रहरी निरीक्षक कमल परियारले बताए ।
दुवै घाइतेको ठाडा स्वास्थ्य केन्द्रमा प्राथमिक उपचारपछि बुटवल रिफर गरिएको छ।
आश्विन १६ गते, २०७५ मा प्रकाशित
