अर्घाखाँचीडट्कम संवाददाता
दुवई । अर्घाखाँची जिल्लाको मालारानी गाउँपालिका वार्ड नम्बर – ७ बाम्रुक घर भई रोजगारीको सिलसिलामा दुबईमा रहेका जुद्ध बहादुर बस्नेत बेपत्ता भएका छन् ।
बस्नेत गत महिना सेप्टेम्बर ३० तारिख आइतबार देखि दुबईको जेबल अलि स्थित डिसकवरी पार्कबाट बेपत्ता भएका हुन् ।
रोजगारीको सिलसिलामा बिगत ६ बर्ष देखि दुबईमा रहेका बस्नेत स्थानिय बम्बाई च्वपाटी रेस्टुरेन्टमा गर्दै आएका थिए । साथै उक्त दिन बस्नेत दशैमा नेपाल फर्कनको लागि टिकट लिन जान्छु भनेर साईकल लिएर हिंडेका थिए ।
५ दिनदेखि बेपत्ता भएका बस्नेत अाजसम्म फेला परेका छैनन् । स्थानिय प्रहरीले खोजिकार्य जारी राखेको उल्लेख गरेको छ । यस सम्बन्धमा नेपाली राजदुताबासमा समेत जानकारी गराइएको सँगै बस्ने नेपाली युवाहरुले बताएका छन् ।
आश्विन १८ गते, २०७५ मा प्रकाशित
