सन्धिखर्कको टुडिखेल मैदानमा शौचालयको समस्या, स्थानिय खेलाडीहरुद्दारा चिन्ता व्यक्त
कार्तिक २४ गते, २०७५ मा प्रकाशित
प्रेम खड्का
टुडिखेल । अर्घाखाँची जिल्लाको सदरमुकाम सन्धिखर्क स्थित टुडिखेलमा रहेको शौचालय मर्मत तथा सरसफाई नहुँदा स्थानिय खेलाडीहरुलाई समस्या परेको छ ।
राष्ट्रीय स्तरीय खेलकुद समेत हुने टुडिखेल मैदानमा रहेको शौचालयमा पानीको समस्या, फोहरका साथै भित्र प्रयोग गर्न नसक्ने अवस्थामा पुगेको छ । शौचालयमा रहेको पानी ट्यान्की समेत फुटेर काम नलाग्ने भएको छ ।
मैदानको फोहर सरसफाई नेपाल प्रहरी, सेनाका साथै स्थानिय संस्थाले बारम्बार गर्दै आएपनि शौचालय मर्मत, सरसफाईमा कसैको ध्यान गएको छैन् ।
जिल्लाका हरेको खेलहरु यही मैदानमा हुँदै आएका छन् तर सम्बन्धित निकायको अहिलेसम्म शौचालय मर्मत, पानी, सरसफाईमा ध्यान नगएको भन्दै स्थानिय खेलाडीहरुले चिन्ता व्यक्त गरेका छन् ।
बेला – बेलामा हुने खेलकुदबाट ठुलो रकम उठाएपनि अहिलेसम्म कसैले शौचालय मर्मत, सरसफाईको लागि खर्च गरेको देखिदैन् ।
कार्तिक २४ गते, २०७५ मा प्रकाशित
