कार्तिक २६ गते, २०७५ मा प्रकाशित
प्रेम खड्का
सन्धिखर्क,अर्घाखाँची (अर्घाखाँची डट्कम) अर्घाखाँची जिल्लाको सदरमुकाम सन्धिखर्क नगरपालिकामा अव्यवस्थित रुपमा गाडीहरुले पार्किङ गर्दा आवतजावत गर्ने जनताहरुलाई सास्ती भएको छ ।
नगरपालिकाको शान्ति बगैचा चोकबाट जिल्लाबाट बाहिरिने र भित्रीने मुख्य चोक हो । घुम्न आउने र वाक गर्न आउने जनताहरुलाई जहाँ पायो त्यही गाडी रोकेर यात्रु चढाउने र उतार्ने गर्दा कुनै पनि दुर्घटना हुन सक्ने सरोकारहरुले बताएका छन ।
यस बगैंचामा दिनहु हजारौको संख्यामा जनताहरु आउने जाने गर्दा जिल्लाकै व्यस्त चोकमा गाडीहरुले आफ्नै मनमर्जीले गाडि रोकेर समान उतार्ने र गाडी हटाउन भन्दा उल्टै धम्क्याउने गरेको नाम नछाप्ने सर्तमा उनले भने , गाडी केही कुनामा च्यापेर लगाउनुहोस भन्दा कहिले काहीँ त त र म म पनि हुने गरेको बताए ।
यस क्षेत्रमा २४ सै घण्टा प्रहरी तैनात भएपनी उनिहरुले सम्झाई बुझाई छाडिदिने गरेका छन्, सड्कको चौडाइ कम हुनाले र पसलहरुका सामान सडक पेटिमा राख्नाले पनि गाडिहरु आवतजावत गर्न असहज हुने गरेको छ ।
अन्य समाचारहरु
