अर्घाखाँचीडट्कम संवाददाता
पटौटी, अर्घाखाँची (अर्घाखाँचीडट्कम) । अर्घाखाँची जिल्ला पाणिनी गाउँपालिका वार्ड नम्बर ४ पटौटीमा ट्याक्टर दुर्घटना भएको छ।
लु ३ त ६५८ नम्बर ट्याक्टर मैदानबाट निगाली पराल छोडेर फर्कने क्रममा पटौटीको बसेरी भन्ने ठाउँमा दुर्घटना भएको हो । दुर्घटनामा २ जना घाइते भएका छन् । घाइते सहचालक सुर्य बहादुर गाहा मगर र खिम खाम्चा मगरको उपचारको लागि ट्याक्सीमा हालेर पाल्पा मिसन हस्पिटलमा लगिएको छ।
प्रहरीले अर्घाखाँचीडट्कम बताए अनुसार ट्याक्टरमा चालक सुनिल गौतम, सहचालक सुर्य बहादुर गाहा मगर र खिम खाम्चा मगर सहित ३ जना सवार थिए ।
ट्याक्टर बाटो देखि करिब १०० मिटर तल खसेको छ । दुर्घटनाको कारण थाहा हुनसकेको छैन् ।
मंसिर १४ गते, २०७५ मा प्रकाशित
