अमेरिकाका पूर्वराष्ट्रपति जर्ज एचडब्लु बुसको निधन भएको छ ।
अमेरिकाको ४१ औं राष्ट्रपतिका रुपमा जिम्मेवारी सम्हालेका बुसको ९४ वर्षको उमेरमा निधन भएको हो ।
उनी सन् १९८९ देखि १९९३ सम्म अमेरिकाको राष्ट्रपति भएका थिए । त्यसअघि उनले ८ वर्षसम्म उपराष्ट्रपतिको जिम्मेवारी निर्वाह गरेका थिए ।
दोस्रो विश्व युद्धका भेट्रान बुस पछि राजनीतिमा आएर राष्ट्रपति बनेका हुन् ।
तत्कालीन सोभियत युनियन र अमेरिकाबीचको शीतयुद्ध अन्त्य गर्न उनको भूमिका महत्वपूर्ण छ ।
उनका छोरा जर्ज डब्लु बुस पनि अमेरिकाको ४३ औं राष्ट्रपति बनेका थिए । एजेन्सी इमेजखबरमा समाचार छ ।
मंसिर १५ गते, २०७५ मा प्रकाशित
