पाकिस्तानका पूर्वप्रधानमन्त्री नवाज सरिफलाई भ्रष्टाचारको नयाँ मुद्दामा सात वर्षको जेल सजाय सुनाइएको छ ।
सोमबार इस्लामावादको एक अदालतले सरिफविरुद्ध आम्दानीको तुलनामा अधिक सम्पत्ति जोडेको मुद्दामा दोषी ठहर गरेको हो ।
यो मुद्दा अल अजिजिया स्टील मिल्स्सँग जोडिएको थियो ।
गत जुलाईमा सरिफलाई भ्रष्टाचारको मुद्दामा दोषी ठहर गर्दै १० वर्षको जेल सजाय सुनाइएको थियो ।
सरिफ जेलमा रहँदा भएको चुनावमा उनको पार्टी पराजित भएको थियो ।
इमरान खान प्रधानमन्त्री भएको केही दिनमै इस्लामावाद उच्च अदालतले सरिफलाई जमानतमा रिहा गर्न आदेश दिएको थियो । सरिफका परिवारले भ्रष्टाचारका विभिन्न मुद्दा सामना गरिरहेका छन् ।
सोमबार भएको फैसलापछि सरिफको पार्टीले विरोध प्रदर्शनको घोषणा गर्दै उनलाई जेल पठाइए संसदीय कारबाही प्रभावित पार्ने चेतावनी दिएको छ । (एजेन्सी)
पौष ९ गते, २०७५ मा प्रकाशित
