नेकपा (क्रान्तिकारी माओवादी) निकट नेवाः राष्ट्रिय मुक्ति मोर्चाले काठमाडौं महानगरपालिकाका विभिन्न स्थानमा सार्वजनिक जग्गा मिचेर भौतिक संरचनाहरु निर्माण गरेको भन्दै विरोध प्रदर्शन गरेको छ ।
मोर्चाले शुक्रबार काठमाडौंमा र्यालीसहित प्रदर्शन गरेको हो ।
मोर्चाका अध्यक्ष पवनमान श्रेष्ठले महानगरपालिकाअन्तर्गत् रहेका सार्वजनिक जग्गामा विभिन्न कम्प्लेक्स, हाउजिङ, अपार्टमेन्टलगायतका नाममा गरिएको अतिक्रमणविरुद्ध आन्दोलनमा उत्रिएको बताए ।
मोर्चाले काठमाडौं, ठमेलस्थित सार्वजनिक पोखरी मासेर ‘छाया सेन्टर’ बनाइएको भन्दै तत्काल रोक्न पनि माग गरेको छ ।
सार्वजनिक जग्गामा भएको अतिक्रमण हटाउन पटक–पटक आवाज उठाउँदा पनि सरोकारवाला निकायले नसुनेपछि आन्दोलनमा उत्रिनपरेको मोर्चाको भनाइ छ ।
विकासको नाममा ‘फास्ट ट्रयाक’, बाहिरी चक्रपथ निर्माण र गैरन्यायिकरुपले सडक विस्तार भइरहेको भन्दै मोर्चाले सार्वजनिक हीतविपरीतका कामको विरोध गर्ने जनाएको छ । इमेजखबरमा समाचार छ ।
माघ ११ गते, २०७५ मा प्रकाशित
