भारत प्रशासित जम्मु– कश्मिरमा चरमपन्थीको आक्रमणमा परी कम्तीमा १८ जना सुरक्षाकर्मी मारिएका छन् । ४४ जना घाइते छन् ।
बिहीबार पुलवामा जिल्लामा सुरक्षाकर्मी चढेको गाडीलाई लक्षित गरी चरमपन्थीले आक्रमण गरेका थिए ।
गाडीमा ४० जनाभन्दा बढी सुरक्षाकर्मी सवार थिए ।
सन् २०१६ मा सेनाको क्याम्पमा गरिएको आक्रमणपछि यो सबैभन्दा भीषण आक्रमण हो ।
प्रतिबन्धित चरमपन्थी संगठन जैश–ए–मोहम्मदले आक्रमणको जिम्मेवारी लिएको छ । (एजेन्सी)
फाल्गुन २ गते, २०७५ मा प्रकाशित
