पेरुको राजधानी लिमामा आइतबार राती एउटा बसमा भएको आगलागीमा परी कम्तीमा २० जनाको मृत्यु भएको स्थानीय सञ्चारमाध्यमले जानकारी दिएको छ ।
लामो बाटोमा चल्ने यो बस लिमाबाट चिक्लायोतर्फ गइरहेको थियो । उक्त बसमा खचाखच यात्रु थिए ।
गुडिरहेको बसमा अकस्मात आगो लागेको थियो ।
उक्त आगलागीको कारण हालसम्म पत्ता लाग्न सकेको छैन । आगलागीको कारण अनुसन्धानरत रहेको प्रहरीले जानकारी दिएको छ ।
पेरुमा यस वर्ष भएको यो दोस्रो ठूलो दुर्घटना हो । यसअघि पनि गत जनवरी २५ मा मध्य पेरुमा रहेको एक नदीमा बस खस्दा कम्तीका १० यात्रुको मृत्यु हुनुको साथै अन्य ३० घाइते भएका थिए । (रासस/सिन्ह्वा)
चैत्र १८ गते, २०७५ मा प्रकाशित
