ललितपुरको सानेपानजिकै ट्रक र भ्यान आपसमा ठक्कर खाँदा दुईजनाको मृत्यु भएको छ । एकजना घाइते छन् ।
मृत्यु हुनेमा भ्यानचालकसहित दुईजना छन् ।
जनक शिक्षा सामग्री केन्द्र लिमिटेड भक्तपुरको ना१घ ५३३ नम्बरको ट्रक र बा७च २१३१ नम्बरको भ्यान ठोक्किँदा दुर्घटना भएको हो ।
शुक्रबार बिहान करिब साढे ११ बजे एकान्तकुनाबाट बल्खुतर्फ जाँदै गरेको सो ट्रक र विपरीत दिशातर्फ आउँदै गरेको भ्यान आपसमा ठोक्किएका थिए ।
मृत्यु हुनेमा दोलखा, ठूलोपाखरका भ्यानचालक ४० वर्षका इन्द्रबहादुर सुनार र धनुषाकी ४० वर्षीया डोल्मा शेर्पा छन् ।
दुर्घटनामा परी गम्भीर घाइते भएका उनीहरुको उपचारकाक्रममा जावलाखेलस्थित अल्का अस्पतालमा मृत्यु भएको महानगरीय प्रहरी प्रभाग सानेपाले जनाएको छ ।
दुर्घटनामा घाइते भएकी धनुषा घर भइ ललितपुरको बुंगमती बस्दै आएकी स्मृति मगरको नेपाल मेडिसिटी अस्पतालमा उपचार भइरहेको जनाइएको छ । इमेजखबरमा समाचार छ ।
चैत्र २२ गते, २०७५ मा प्रकाशित
