पर्वतको महाशिला गाउँपालिका वडा नम्बर-४, पाखापानीमा करेन्ट लागेर दुईजनाको मृत्यु भएको छ ।
शुक्रबार बिहान १० बजेतिर विद्युत् पोल गाड्नेक्रममा करेन्ट प्रवाह हुँदा सोही स्थानका २७ वर्षीय केशबहादुर क्षेत्री र ३० वर्षीय सुरेन्द्रबहादुर क्षेत्रीको घटनास्थलमा नै मृत्यु भएको हो ।
करेन्ट लागेर अर्का स्थानीय युवा भरत क्षेत्री घाइते भएका छन् । घाइते क्षेत्रीलाई उपचारका लागि पोखरा पठाइएको छ ।
पाखापानीमा काठको पोल विस्थापित गरी फलामे पोल गाड्नेक्रममा उनीहरुलाई करेन्ट लागेको जिल्ला प्रहरी कार्यालय पर्वतका प्रहरी निरीक्षक राजन रायमाझीले जानकारी दिए ।
घटनास्थलमा लुंखु प्रहरीचौकीबाट प्रहरीको टोली पुगेको र घटनाबारे थप अनुसन्धान भइरहेको प्रहरी निरीक्षक रायमाझीले बताए ।
मृतकहरुको शव पोस्टमार्टमका लागि पर्वत जिल्ला अस्पतालमा लगिएको प्रहरीले जनाएको छ । इमेजखबरमा समाचार छ ।
श्रावण ३१ गते, २०७६ मा प्रकाशित
