पूर्वराजा शाहका प्रेस सल्लाहकार फणिराज पाठकका अनुसार एक साता लामो यसपटकको पश्चिम यात्रामा बुटवल, मर्चवार, पाल्पा, गोरुसिंगे, नवलपरासीलगायत भ्रमणको कार्यक्रम छ।
पूर्व राजा ज्ञानेन्द्र शाह आजदेखि साताव्यापी जिल्ला भ्रमणमा जाँदैछन् ।
सोही क्रममा उनी आज दिउँसो भैरहवा जाने कार्यक्रम रहेको छ । विभिन्न मन्दिरहरुको दर्शन र पूजाका लागि तय गरिएको भ्रमणमा क्रममा उनले भोली बुटवलको शिव मन्दिरको दर्शन गर्नुका साथै पूजा गर्नेछन् ।
आगामी मंगलबार उनले भैरहवाकै मर्चवार भगवती मन्दिरमा पूजा गर्ने बताइएको छ ।
पूर्व राजा शाह मंसिर १९ गते पाल्पा पुगेर पाल्पाको भगवती मन्दिरको पूजा गर्ने र २० गते कपिलवस्तुको गोरुसिंहेमा रहेको पशुपति मन्दिरमा पूजा गर्ने कार्यक्रम छ ।
यही मंसिर २१ गते नवलपरासीको भगवती मन्दिरको पूजा गरी उनी २२ गते काठमाडौं फर्कर्नेछन् । इमेजखबरमा समाचार छ ।
मंसिर १५ गते, २०७६ मा प्रकाशित
