बडिगाउँ जिप दुर्घटनामा मृत्यु भएका १४ जनाको पहिचान खुलेको छ ।
मृत्यु हुनेहरुमा जीप चालक रेशम थापा (२५), गुल्मी इस्मा गाउँपालिका ५ की माया थापा (२३ ), बसुन्धरा कार्की, तुलसी कार्की, भूमि कार्की (४५), मीना कार्की (२५), धनबहादुर कार्की, झवि कार्की (४०), सीता कार्की(४०) अनुसा कार्की (२), महेन्द्र कार्की (४०) र मीना बस्नेत २५ र सुचना कार्की छन् ।
त्यस्तै नवलपरासी वर्दघाटकी लक्ष्मी केसी (५५) छन् ।
अन्दाजी ५ वर्षीय बालिकासहित एकजनाको परिचय खुल्न बाँकी रहेको प्रहरीले जनाएको छ ।
गुल्मीको तम्घासबाट बाग्लुङको निसिखोला आउँदै गरेको ग १ ज ५२१९ नम्बरको जीप दुर्घटनामा परेको हो ।
कूलपूजाका लागि रिजर्भ गरेर ल्याइएको जीप सडकबाट करिब ५ सय मिटर तल खोलामा खसेको प्रहरीले जनाएको छ ।
घाइतेहरुको बुर्तिवाङ स्वास्थ्य चौकीमा उपचार भइरहेको छ । घाइतेहरुको थप उपचारका लागि काठमाडौंबाट सेनाको हेलिकप्टेर आउँदै गरेको प्रहरीले जनाएको छ । इमेजखबरमा समाचार छ ।
मंसिर १७ गते, २०७६ मा प्रकाशित
