कोरोना भाइरसको प्रारम्भिक लक्षण पखाला लाग्नु जस्ता पाचन समस्या हुनसक्ने एक अध्ययनले देखाएको छ ।
कोविड–१९ भएको बिरामीमा श्वासप्रश्वासका लक्षण देखिए पनि कोरोनाको उत्पत्तिस्थल वुहानमा पनि यो भाइरसको चपेटमा परेका बिरामीलाई शुरुमा पखाला जस्ता पाचन प्रणालीको समस्या देखिएको वुहान मेडिकल ट्रीटमेन्ट एक्सपर्ट समूहले फेला पारेका थिए ।
अनुसन्धान गरिएका २०४ बिरामी मध्ये ९९ जना ४८.५ प्रतिशत बिरामीले आफूहरुमा पाचन समस्या परेको बताएको अमेरिकी जर्नल अफ गैस्ट्रोएन्टोलोजीले जनाएको कन्जरभेटिभ फाइटर न्यूजलेटरले प्रकाशित गरेको छ ।
ति लक्षणमा पखाला लाग्ने, बान्ता हुने र पेट दुख्ने समस्या थिए । अनुसन्धानकर्ताहरुले पाचन समस्या देखिएका यस्ता बिरामीमा श्वासप्रश्वासको लक्षण नकुरी कोरानाको जोपिखम हुनसक्नेतर्फ ध्यान दिई उपचार थाल्न सुझाएका छन् ।
पाचन समस्या रहेका ति ९९ मध्ये सात जना बिरामीले आफूहरुमा श्वासप्रश्वासको कुनै समस्या नभएको बताएका थिए । तर उनीहरुमा पछि कोरोनाको संक्रमण देखिएको थियो ।
पाचन समस्या देखिएको केही समयपछि मात्रै उनीहरुमा कोरोनाको समस्या पाइएको पनि अध्ययनले देखाएको समाचारमा उल्लेख छ । एजेन्सी
चैत्र ९ गते, २०७६ मा प्रकाशित
