बिष्णु कुमार आले
सितापुर, अर्घाखाँची । जंगली जनावर बदेलको आक्रमणबाट अर्घाखाँचीमा एक जना घाईते भएका छन् ।
जिल्लाको शितगंगा २ सितापुर काउले निवासी ३६ बर्षिय दिपक परियार घाईते भएका हुन् ।
घर नजिकै बारिमा मकै रोपिरहेका बेला एक्कासी जंगली जनावर बँदेलले आक्रमण गरेको थियो ।
जंगल नजिकै वस्ती रहेकाले जंगलबाट बदेल आएर आक्रमण गरेको बताईएको छ । परियारको बायाँ खुट्टामा बँदेलले टोकेर घाईते बनाएको छ । एक्कासी बँदेलले आक्रमण गरेपछी बँदेल र परियार बिच केहि समय लडाई भएको थियो । परियार चिच्चाए पछि गाँउलेले थाहापाएर बदेल धपाएका थिए । घाईते परियारको स्थानिय मेडिकलमा उपचार भईरहेको छ ।
पछिल्लो समय अर्घाखाँचीको बिभिन्न ठाँउमा जंगली जनावर बँदेलले आतंक मच्चाएको छ ।
बैशाख २० गते, २०७७ मा प्रकाशित
