बुधबार मध्यान्हसम्म दुई जना कोरोना संक्रमित थपिएका छन्।
स्वास्थ्य मन्त्रालयका अनुसार संक्रमित दुई जना कपिलवस्तु र बाँकेका छन्।
बाँकेको नेपालगञ्ज उपमहानगरपालिका वडा नम्बर ८ का ३६ वर्षीय पुरूषमा कोरोना पुष्टि भएको हो भने कपिलवस्तु -५ का निवासी २२ वर्षीय पुरूषमा संक्रमण देखिएको हो।
योसँगै कोरोना संक्रमितको संख्या २१९ पुगेको छ।
मंगलबार एकैदिन ८३ जनामा कोरोना संक्रमण देखिएको थियो। हिजो मात्र एकै दिन ८३ जनामा कोरोना संक्रमण पुष्टि भएको थियो । संक्रमित मध्ये ३४ जना उपचारपछि निको भएका छन् ।
यस्तै हाल देशभर १८ हजार ९ सय ६४ जनामा पीसीआर परीक्षण गरिएको छ भने आरडीटीबाट ५९ हजार ६ सय २७ जनाको परीक्षण गरिएको मन्त्रालयले जनाएको छ ।
बैशाख ३१ गते, २०७७ मा प्रकाशित
