अर्घाखाँचीडट्कम संवाददाता
सन्धिखर्क, अर्घाखाँची । अर्घाखाँची जिल्लाको छत्रदेव गाउँपालिका वार्ड नं.८ अर्घातोष हटिया बजारमा प्रहरी चौकीको नवनिर्मित भवनको समुदघाटन भएको छ ।
प्रहरी चौकीको नवनिर्मित भवनको छत्रदेव गाउँपालिकाका अध्यक्ष लेखनाथ पोख्रेल र जिल्ला प्रहरी कार्यालयका प्रमुख प्रनाउ प्रकाश बिष्टले संयुक्त रुपमा समुदघाटन गर्नु भएको थियो ।
समुदाय प्रहरी साझेदारी अवधारणा बमोजिम जिल्ला प्रहरी कार्यालयको सकृयता र समन्वयमा छत्रदेव गाउँपालिका, मालारानी गाउँपालिका वार्ड नं. १ , वडा नं.२ को सहयोगमा कार्यालय, व्यारेक, मिटिङ हल, भान्सा घर सहित ६ कोठे ट्रस मोडलको प्रहरी चौकीको भवन निर्माण सम्पन्न भएको हो ।
छत्रदेव गाउँपालिका वडा नं. ८ का वडा अध्यक्ष राज कुमार श्रेष्ठको अध्यक्षता ,प्रमुख अतिथी छत्रदेव गाउँपालिका अध्यक्ष लेखनाथ पोखरेल र यस कार्यालयका कार्यालय प्रमुख प्र.ना.उ . प्रकाश बिष्टको विशिष्ट आतिथ्यतामा उक्त नवनिर्मित प्रहरी चौकीको समुदघाटन भएको थियो ।
जेष्ठ १९ गते, २०७७ मा प्रकाशित
