लक्ष्मण घिमिरे
ढिकुरा, अर्घाखाँची (अर्घाखाँचीडट्कम) । अर्घाखाँची जिल्लाको भुमिकास्थान नगरपालिका वार्ड नम्बर–९ ढिकुराका क्वारेन्टाईनमा मास्क लगायतका सुरक्षा सामाग्री वितरण गरिएको छ ।
कोरोना महामारीका बेला क्वारेन्टाईमा बसेकाहरुको पुर्ण सुरक्षालाई मध्यनजर गर्दै अर्घाखाँची–ढिकुरा–रुपन्देही समाजको नेतृत्वमा मास्क, स्यानिटाईजर, ग्लब्स र सुरक्षकर्मीलाई हेल्मेट वितरण गरिएको हो ।
शुभश्री मेडिकल हल एण्ड ह्युमन हेल्थ ल्याब्रोटरी बुटवलका म्यानेजिङ्ग डाईरेक्टर डिलबहादुर बिन्दु थापा, ल्याब्रोटरीका मार्केटिङ प्रमुख बालकृष्ण कार्की, ल्याब प्रमुख बिनोद रावल र बुटवल हस्पिटलका बरिष्ठ डाक्टर नन्दु पाठकको सहयोगमा भुमिकास्थान–९ ढिकुराका आठ वटा स्थानमा रहेका क्वारेन्टाईन स्थलमा बसेका व्यक्तीहरुलाई वितरण गरिएको हो ।
शारदा मावी तल्लो र उपल्लो, थानपती आवी, जयन्ती आवी, विरभद्र आवी, जन्मभुमी आवी दिपेन्द्र आवी, सिद्दगुफा आवी र देउराली आवीमा रहेका १ सय ४५ जना लाई मास्क, स्यानिटाईजर, ग्लब्स वितरण गरिएको अर्घाखाँची–ढिकुरा–रुपन्देही समाजका सचिव गोबिन्द पोख्रेलले जानकारी दिनुभयो ।
कार्यक्रममा वडा अध्यक्ष नारायण प्रसाद खनाल, वडा सदस्य देबि प्रसाद पोख्रेल, वडा सचिव तुल्सि पोख्रेलअर्घाखाँची–ढिकुरा–रुपन्देही समाजका उपाध्यक्ष गोविन्द घिमिरे, शिक्षक दिपक खासु, महिला स्वयंसेविका र हल्वलदार गरीब लाल चौधरी लागायतको उपस्थितीमा सामाग्रि वितरण गरिएको हो ।
शुभश्री मेडिकल हल एण्ड ह्युमन हेल्थ ल्याब्रोटरीका प्रमुख डिल बहादुर थापा बिन्दुले ९०० मास्क र १०० वटा सुरक्षा हेल्मेट, डाक्टर नन्दु पाठकले २०० मास्क, ढिकुरा रुपन्देही समाजले ७०० मास्क र बालकृष्ण कार्किको तर्फ बाट ५०० लिटर स्यानिटाइजर सौजन्य गर्नुभएको त्यहाँ बाट पत्रकार बिन्दु घिमिरेले जानकारी दिनुभयो ।
जेष्ठ २२ गते, २०७७ मा प्रकाशित
