२४ जेष्ठ २०७७, शनिबारमा प्रकासित
अर्घाखाँचीडट्कम संवाददाता
छत्रदेव, अर्घाखाँची (२४ जेष्ठ २०७७, शनिबार) । अर्घाखाँची जिल्लाको छत्रदेव गाउँपालिका वार्ड नम्बर ८ अर्घातोषमा बनेको नव निर्मित प्रहरी चौंकी कार्यालय परिसरमा विभिन्न प्रकारका फुलहरु ल्याएर वृक्ष रोपण गरिएको छ।
बृक्षरोपण कार्यक्रममा छत्रदेव ८ का सम्पुर्ण जनप्रतिनिधि प्रहरी चौकी अर्घातोषको सिङ्गो टिम समाजसेवी तथा नेपाली कांग्रेस महासमिति सदस्य तथा युवा नेता केशव श्रेष्ठ काङ्ग्रेस क्षेत्रिय प्रतिनिधि हरि पौडेल समाजसेवी काशीराम पाण्डे लगायको उपस्थिति थियो।
बृक्षरोपणका लागि अभियान्ता बिष्णु सुवेदीले विभिन्न प्रकारका फुलका बृक्षहरु ल्याउनु भएको थियो।
वृक्ष रोपण कार्यक्रममा अभियान्ता सचिन पाण्डेले अब बाताबरण जोगाउन वृक्ष रोपण गर्न आबस्यक रहेको र सबैले आ आफ्नो ठाउँमा बृक्षरोपण गर्न समेत अनुरोध गर्नुभयो।
त्यस्तै कार्यक्रममा छत्रदेव ८ का सम्पुर्ण जनप्रतिनिधि र अर्घातोष प्रहरी चौकीको सिङ्गो टिमले अभियान्ता पाण्डे र सुवेदीको प्रशंसा गर्दै धन्यवाद प्रकट गर्नु भएको थियो।
जेष्ठ २५ गते, २०७७ मा प्रकाशित
