खाँचीकोटको डिहिडाँडा क्वारेन्टाइनमा १ जनाको आरडीटी पोजेटिभ आयो
जेष्ठ ३० गते, २०७७ मा प्रकाशित
-केशब घिमिरे
खाँचीकोट, अर्घाखाँची । अर्घाखाँची जिल्लाको सन्धिखर्क नगरपालिका वार्ड नं. ७ खाँचीकोटको चन्द्र प्रभा माबि डिहिडाँडा क्वारेन्टाइनमा रहेका १ जनाको र्यापिड डाईअग्नस्टिक टेस्ट (आरडीटी) परिक्षण पोजेटिभ आएको छ ।
यहाँ ३५ जनामा आरडीटी परिक्षण गरिएको थियो । बाँकी ३४ जनामा नेगेटिभ आएको छ ।
साथै सोही केन्द्रमा काम गर्ने तीन ३ जना स्वयम सेवकको पनि आरडीटी परिक्षण गरिएको छ। यसैगरी सोही केन्द्रका २७ जनालाई आरडीटी नेगेटिभ आएपछिक १० दिन होम क्वारेन्टाइनमा बस्ने गरी घर पठाईएको छ।
यस्तै आरडीटी परिक्षण पोजेटिभ आएका १ जनाको पीसीआर परिक्षणका लागि स्वाब संकलन गरेर प्रादेशिक कोरोना प्रयोगशाला भैरहवामा पठाईएको छ ।
जेष्ठ ३० गते, २०७७ मा प्रकाशित
