श्याम घिमिरे
सन्धिखर्क असार १२ अर्घाखाँची । अर्घाखाँचीको सन्धिखर्क नगरपालीका भित्रका क्रियाशिल शिक्षकका पेशागत संघ संगठनहरुको संयुक्त बैठक आज सम्पन्न भएको छ ।
बैठकले बिश्वव्यापी रुपमा फैलिएको कोरोना भाईरस महामारी रोग संग जुधनकोलागी सन्धिखर्क नगरपालीकाको बिपत राहत कोषमा नगरपालीका भित्र रहेका सामुदायीक बिद्यालयका कार्यरत शिक्षकहरुको मासीक तलबबाट एक दिनको बराबरको रमक सहयोग गर्ने निर्णय गरेको छ ।
उक्त कोषमा बिद्यालय कर्मचारी र बालबिकास सहयागी कार्यकर्ताको रमक कट्टा नगर्ने पनि सर्बसम्मत निर्णय भएको जनाईएको छ ।
बैठकमा नेपाल शिक्षक संघका नगर अध्यक्ष डिल्ली थापा , नेपाल राष्ट्रिय शिक्षक संगठनका नगर अध्यक्ष श्याम बहादुर भुसाल , एकिकृत अखिल नेपाल शिक्षक संगठनका नगर अध्यक्ष रविन्द्र बहादुर खड्का , अखिल नेपाल शिक्षक संघका नगर उपाध्यक्ष यज्ञ प्रसाद भुसाल , अखिल नेपाल शिक्षक संगठनका पुनकला आले लगायतको उपस्थिती रहेको थियो ।
आषाढ़ १२ गते, २०७७ मा प्रकाशित
