अर्घाखाँचीडट्कम संवाददाता
सन्धिखर्क, अर्घाखाँची । अर्घाखाँची जिल्लाको सन्धिखर्क नगरपालिका वार्ड नम्बर २ चुत्राबेसीमा एक युवती मृत फेला परेकी छिन् ।
चुत्राबेसीकी अन्दाजी २० वर्षिया कमला पुन आफ्नै घरको कोठामा झुन्डिएरको अवस्थामा बिहीवार मृत फेला परेकी हुन् ।
जिल्ला प्रहरी कार्यालय अर्घाखाँचीले जानकारी गराए अनुसार कमलाले आत्महत्या गरेको हुनसक्ने अनुमान गरिएको छ । भने त्यहाँ आत्महत्याको कारण खुल्न सकेको छैन। थप अनुसन्धान भइरहेको प्रहरीले जनाएको छ।
साथै मुचुल्का उठाई शबलाई जिल्ला अस्पताल अर्घाखाँचीमा पोस्टमार्टमलागी लगिएको प्रहरीले बताएको छ ।
अर्घाखाँची जिल्लामा पछिल्लो समय आत्महत्या गर्नेको संख्या बढेको देखिन्छ ।
आषाढ़ २५ गते, २०७७ मा प्रकाशित
