काठमाडौं । बाढी पहिराका कारण विभिन्न सडकखण्ड अवरुद्ध भएका छन् । आज बिहान विभिन्न ठाउँमा पहिरो खसेपछि सिद्धार्थ राजमार्ग पनि अवरुद्ध भएको छ ।
यस्तै लमजुङ–मनाङ सडकखण्डमा पहिरो पन्छाउन ढिलाइ हुँदा गाडी सञ्चालन हुन सकेको छैन ।
लमजुङको मस्र्याङ्दी गाउँपालिका ४ र बेशीशहर ६ मा हिजो खसेको पहिरो पन्छाउन नसकेपछि गाडी चल्न नसकेको प्रहरीले जनाएको छ ।
यस्तै म्याग्दी–जोमसोम सडकखण्ड पनि अवरुद्ध भएको छ । पहिरोका कारण साँफे–मार्तडी सडकखण्ड पनि अवरुद्ध छ ।
बाजुराको बुढीगंगा नगरपालिका २ अम्कोटमा पहिरो गएकाले सडकखण्ड अवरुद्ध भएको हो । काठमाडौं भिमफेदी हुँदै मकवानपुर जाने सडकखण्डमा पनि गाडी चलेका छैनन् ।
यो सडकखण्डको विभिन्न ठाउँमा पहिरो र लेदो माटो बगेर सडक क्षतिग्रस्त भएको छ । इमेजखबरमा समाचार छ ।
आषाढ़ २९ गते, २०७७ मा प्रकाशित
